De renomméierten Architekt Nico Steinmetz vum Architektebüro SteinmetzDeMayer Architectes huet mat vill Sensibilitéit Ales an Neies zu enger gegléckter Gesamtkompositioun zesummegesat.
D'Residence ass e gutt Beispill derfir, wéi een Harmonie tëscht engem ale Gebai a moderner Architektur schaaft. Déi klassesch Form vum Gebai bleift erhalen. Hëlze Lamellelueden ënnersträichen den Haff-Charakter vum Uwiesen. Dës eenzegaarteg Mëschung mécht aus dem Gebai en Unikat, dat sengesgläiche sicht.